O Liceo golea e aumenta a vantaxe con respecto ao terceiro clasificado

Na OK Liga o Deportivo Liceo consolida o seu segundo posto logo de derrotar o Alpicat en Riazor por un claro 8-3. Malia que os visitantes marcaron primeiro, o equipo coruñés xa vencía no descanso por 4-1. Na segunda metade seguiron caendo os goles na portería visitante ata chegar a un 8-1. Uns goles moi repartidos con Jacobo Copa, Bruno Saavedra e Fabricio Cioccale marcando por partida dobre. O Alpicat maqueou o resultado con dous tantos na recta final. Ese resultado e o empate do Reus fai que o cadro liceísta amplíe a súa marxe con respecto ao terceiro clasificado.