O Lugo destitúe a Joan Carrillo tras cinco partidos como adestrador
O Lugo destitúe a Joan Carrillo tras cinco partidos como adestrador
O club que preside Tino Saqués, que tivo 14 adestradores desde que asumiu a presidencia en 2015, anunciou que comunicará "proximamente" o nome do novo técnico
O Lugo destituíu este luns a Joan Carrillo como adestrador do primeiro equipo, un día despois do empate (0-0) co Zaragoza.
Carrillo levaba cinco partidos no conxunto galego, nos que logrou dúas igualadas sen goles, sufriu tres derrotas e non logrou ningunha vitoria.
Esa traxectoria e a dinámica negativa que xa levaba o equipo situou ao Lugo, o que máis tempadas consecutivas leva en LaLiga SmartBank, como pechacancelas cos mesmos puntos que o Eivisa. Está a doce puntos do Oviedo e o Zaragoza, os equipos que marcan a permanencia.
O Lugo, que incorporará un cuarto adestrador esta tempada, agradeceulle "o seu traballo, profesionalidade e implicación durante a etapa na que formou parte desta institución". Tamén lle desexou "os maiores éxitos persoais e profesionais no futuro".
|OFICIAL|📄
— Club Deportivo Lugo (@CDeportivoLugo) March 6, 2023
👉 O #CDLugo determina o cese de #JoanCarrillo como adestrador do primeiro equipo#ForzaLugo
O club que preside Tino Saqués, que tivo 14 adestradores desde que asumiu a presidencia en 2015, anunciou que comunicará "proximamente" o nome do novo técnico.
