O Mecalia Guardés leva o derbi ante o Porriño e xa mira cara á cuarta praza (29-23)
O Mecalia Guardés leva o derbi ante o Porriño e xa mira cara á cuarta praza (29-23)
As locais remontaron a desvantaxe inicial e mantivéronse por diante na segunda metade
O Porriño segue cuarto, pero ve ameazado o seu posto
Haberá emoción ata a última xornada na División de Honor feminina, xa que o derbi galego da penúltima gañouno o Mecalia Guardés, quedando a un punto da cuarta praza que ten o Conservas Orbe Rubensa Porriño.
Ambiente de gala na Sangriña, e partido igualado ata os últimos minutos. Cifuentes puxo o 22-21 no 43 e, a partir de aí, o Guardés foi abrindo oco ata o 29 a 23 final, cos seis goles de Cecilia Cacheda encabezando unha anotación máis repartida.
Polo Porriño non abondaron os doce goles de Paulina Buforn, que leva o peso do seu equipo. Todo queda para o último suspiro. E os equipos miran xa para o desenlace da campaña, onde todos soñan co mesmo, o título.
