O Noia Portus Apostoli comeza con vitoria a súa andaina na Primeira

O Noia iniciou a súa andaina na máxima categoría do fútbol sala, e a estrea quedará na historia porque o equipo galego logrou o seu primeiro triunfo. Foi en Córdoba, onde os de Marlon Velasco venceron por 4 a 5.

O partido púxose axiña de cara co gol de Edu Jabá, autor de tres tantos, que quedará para a lembranza. Tamén marcaron Bruno Gomes e Lluc. Polo Córdoba anotou tres goles Saura e outro Miguelín.