O novo ministro de Economía británico recoñece erros do Goberno

O novo ministro de Economía do Reino Unido recoñece "erros" na xestión económica do Goberno e advírtelle á cidadanía de que quedan "decisións moi difíciles" por diante.

Tras a destitución do seu antecesor este venres de xeito fulminante, Jeremy Hunt colle a carteira coa misión de frear o derrubamento dos mercados e da libra. 

Este sábado, no seu primeiro día no cargo, concedeu varias entrevistas. Dixo que o executivo de Liz Truss se equivocou ao reducir do 45 ao 40 % o imposto sobre a renda para as grandes fortunas, pero avisou que haberá suba de impostos e recortes nalgúns servizos públicos.