O Obradoiro informa dun sexto caso positivo en covid

O Monbus Obradoiro informou esta tarde dun novo caso positivo de covid nas últimas probas PCR, polo que xa son 6 xogadores afectados polo virus. 

O xogador permanece illado no seu domicilio seguindo o protocolo sanitario segundo informou a propia entidade nun comunicado no que tamén sinala que o resto de xogadores que deron negativo volverán aos adestramentos o luns.

Lembremos que como consecuencia do gromo que afecta aos de Moncho Fernández a ACB adiou o derbi deste luns contra o Breogán.