O papa participa na vixilia multitudinaria da Xornada Mundial da Xuventude

O papa Francisco avogou, desde a capela das aparicións do Santuario de Fátima, por unha Igrexa de "portas abertas" onde "todos poidan entrar", porque "unha nai ten o corazón aberto para todos os seus fillos, todos, todos, todos, sen exclusión".

Chegou en papamóbil e foi recibido por unhas 200.000 persoas, a maioría fieis de Portugal. Tras rezar o rosario xunto a seis reclusos de cárceres lusas e un grupo de xente nova con doenzas, improvisou un discurso en español centrado na figura da Virxe.

O bispo de Leiria-Fátima, José Ornelas, expresou a súa "profunda alegría" pola presenza do pontífice por segunda vez no santuario e uniuse á súa oración "pola paz".

Despois de tres horas, o papa regresou a Lisboa para participar na vixilia da Xornada Mundial da Xuventude. Máis de medio millóns de persoas agardaban a súa chegada.

A estadía do pontífice en Portugal remata este domingo cunha misa que congregará, segundo as previsións da organización, un millón de fieis.