O Parlamento británico investigará a Johnson polas festas en Downing Street

A Cámara baixa británica aprobou este xoves abrir unha investigación sobre se Boris Johnson mentiu ao Parlamento cando asegurou que non tiña constancia de que as festas celebradas nas súas oficinas violasen a lei.

A investigación, que correrá a mans do Comité de Privilexios da cámara, foi autorizada sen votación, despois de que a presidencia dos Comúns preguntase a viva voz se alguén se opoñía a que teña lugar e ninguén mostrase o seu rexeitamento.

O Goberno rectificou hoxe no último momento a súa intención de atrasar esta investigación ao constatar, segundo os medios británicos, que moitos deputados conservadores non secundaban esa medida.