O Partido Conservador acelera o proceso para a remuda de Boris Johnson en Downing Street

Só 24 horas despois da dimisión de Boris Johnson, a carreira por saber quen vai ser o próximo primeiro ministro xa comezou. Polo momento hai dez candidatos que expresaron a súa intención de presentarse á elección en outono, pero o Partido Conservador quere reducir esa lista.

Polo momento Ben Wallace, actual ministro de Defensa, e o dimitido ministro de Finanzas, Rishi Sunak, son os que aparecen nas casas de apostas como os máis probables sucesores de Boris Johnson.