Un morto e quince feridos pola colisión de dous trens en Gales

Un home morreu e quince persoas quedaron feridas leves polo choque de dous trens en Gales, segundo informou este martes a Policía de Transporte Británica.

Os quince feridos foron trasladados a un hospital próximo, despois de que dous trens que viaxaban a baixa velocidade chocasen onte á noite preto da localidade de Llanbrynmair, no condado de Powys.

A ministra principal galesa, Eluned Morgan, dixo na súa conta da rede social X que se solidariza con "todos os implicados" no accidente ferroviario e enviou unha mensaxe de "agradecemento" aos servizos de emerxencia.

My thoughts are with all those involved in the rail incident in Powys earlier this evening.

I would like to thank the emergency services for their response and have asked to be kept informed of any developments throughout the night.

— Eluned Morgan (@PrifWeinidog) October 21, 2024

Os responsables ferroviarios indicaron que a vía permanecerá pechada mentres continúa a investigación para establecer a causa da colisión.