O prazo para que os aloxamentos se unan ao bono turístico da Xunta abre o 4 de xullo
O prazo para que os aloxamentos se unan ao bono turístico da Xunta abre o 4 de xullo
A validez dos bonos estenderase desde o 10 de setembro ata o 25 de decembro
Só poderán utilizar os bonos acodes residentes en Galicia e axencias de viaxe que desenvolvan as súas actividades dentro do sector turístico vinculado a Galicia
![Turistas nas inmediacións da Catedral de Santiago (EFE/Lavandeira Jr)](https://img-g24-crtvg.flumotion.com/prog24/2024/20240628/catedral.jpg)
A Xunta abriu este venres o prazo para que aloxamentos turísticos e axencias de viaxe se adhiran ao bono turístico da Xunta co que, baixo a lema '#DescubreGaliciaenOutono', o Goberno galego quere promover a desestacionalización turística e que estarán dispoñibles desde o 4 de xullo.
Só poderán utilizar os bonos persoas residentes en Galicia en establecementos de aloxamento e axencias de viaxe que teñan un centro de traballo na comunidade e desenvolvan as súas actividades dentro do sector turístico vinculado a Galicia.
O obxectivo, explica, é actuar sobre a demanda de proximidade, incentivándoa para garantir a pervivencia da oferta turística da comunidade ao longo do ano e, por tanto, facilitar o mantemento do emprego estable e de calidade.
Os bonos estarán dispoñibles para a súa descarga por persoas usuarias desde as 9:00 horas do día 4 de xullo ata o 16 de decembro de 2024 e a súa validez estenderase desde o 10 de setembro até o 25 de decembro de 2024 (ambos os incluídos).
Para iso, o Goberno autonómico destina un orzamento dun millón de euros. O formato destes bonos volverá ser un QR cun importe de 150 euros, cofinanciados nun 40 % pola Xunta. Quen os soliciten terán que abonar un 60 %.
Como novidade, cada usuario poderá descargar este ano ata dous bonos, polo que poderá contar cun investimento de ata 300 euros.