O presidente da Xunta de Galicia participou na recepción á embaixada do Uruguai

O presidente da Xunta de Galicia, Alfonso Rueda, participou esta mañá en Vigo nun acto de recepción á embaixada do Uruguai. 

Foi a bordo do buque escola da Armada uruguaia, o veleiro Capitán Miranda, que está na cidade no marco do Festival Iacobus Maris.

Alfonso Rueda destacou o irmandamento con esta terra á que no seu día emigraron moitos galegos e dixo que serán agora os uruguaios os que terán a mellor acollida en Galicia.