O príncipe Henrique volve a Londres a un xuízo contra un tabloide

O príncipe Henrique de Inglaterra apareceu onte por sorpresa en Londres. Acudiu ao Tribunal Superior da capital británica para unha vista preliminar sobre a súa demanda contra a firma editora do tabloide Daily Mail por suposta recompilación ilegal de información privada.

Outros famosos, coma o músico Elton John ou a actriz Liz Hurley, tamén se sumaron á demanda contra esta editora, á que acusan de "horribles actividades delitivas e violacións graves da privacidade".

As vistas orais comezarán en maio, tras a coroación do rei Carlos III.