Alivio no Goberno e no PSOE; ERC e Junts acusan a Sánchez de electoralismo
Alivio no Goberno e no PSOE; ERC e Junts acusan a Sánchez de electoralismo
Yolanda Díaz reclama a Sánchez que o "punto e á parte" teña contido: derrogar a lei mordaza e reforma do CXPX
O PSOE respira aliviado tras a decisión de Pedro Sánchez de seguir como presidente do Goberno, despois da mobilización de todo o partido para pedirlle que continuase.
Diversas fontes socialistas consultadas por EFE do Goberno, a Executiva Federal do PSOE e o grupo parlamentario no Congreso aseguran que nada volverá ser igual porque consideran que este período é un punto de inflexión que serviu para debater sobre a calidade democrática e para defender o respecto na política, mentres que hai quen pensa que o partido vai estar agora "máis forte e unido".
Alivio no Goberno
A vicepresidenta primeira do Goberno e número dous do PSOE, María Jesús Montero, agradeceu este luns a Pedro Sánchez a súa decisión de seguir adiante como presidente do Goberno, así como a súa "valentía", "determinación" e "humanidade".
"Grazas pola túa valentía, a túa determinación e tamén grazas pola túa humanidade presidente. Grazas por seguir adiante. Contigo faremos que siga merecendo a pena", escribiu na súa conta da rede social X a tamén ministra de Facenda, que estivo no Palacio da Moncloa con Sánchez antes de que este comparecese para informar da súa decisión.
Gracias por tu valentía, tu determinación y también gracias por tu humanidad presidente @sanchezcastejon. Gracias por seguir adelante. Contigo haremos que siga mereciendo la pena. https://t.co/qjLnNuCccW
— María Jesús Montero (@mjmonteroc) April 29, 2024
Nunha comparecencia de urxencia na sede do Ministerio de Traballo, a vicepresidenta segunda e líder de Sumar, Yolanda Díaz, manifestou o seu respecto á decisión do presidente, con quen se vai a reunir en Moncloa tras confirmar a súa continuidade.
Díaz reclamou a Sánchez, que o "punto e á parte" para a lexislatura, ao que se referiu tras confirmar a súa continuidade no cargo, sexa "gobernar máis e mellor" e ir "máis aló do cumprimento estrito" do pacto de investidura.
Neste sentido, sinalou a derrogación da Lei de seguridade cidadá, coñecida polos seus detractores como lei mordaza, reformas no ámbito da xustiza empenzando por cambios lexislativos para renovar o Consello Xeral do Poder Xudicial e fomentar avances sociais ambiciosos.
Unha idea coa que coinciden en Podemos, que pide medidas urxentes para acabar co que cualifican de guerra xudicial e mediática. Pablo Iglesias apunta que Pedro Sánchez fixo o ridículo ao non achegar medidas contra o lawefare.
"Seguimos con máis forza", dixo o ministro da Presidencia, Félix Bolaños, tras acompañar o presidente do Goberno no Palacio da Moncloa xunto coa vicepresidenta primeira, María Jesús Montero, e o secretario de Organización do PSOE, Santos Cerdán.
Bolaños mostrou o seu apoio a Sánchez na rede social X e sumouse así aos ministros que eloxiaron a decisión do presidente de seguir "con máis forza se cabe".
Una democracia limpia merece la pena. Seguimos con más fuerza🌹
— Félix Bolaños (@felixbolanosg) April 29, 2024
Alivio no PSOE
"Imos seguir traballando sen descanso. Pola rexeneración da democracia. Para seguir consolidando dereitos. Para que prevaleza a política limpa. Imos facer fronte aos desafíos que están por vir con máis forza que nunca", dixo o secretario de organización socialista, Santos Cerdán, na súa conta da rede social X.
Vamos a seguir trabajando sin descanso. Por la regeneración de la democracia. Para seguir consolidando derechos. Para que prevalezca la política limpia.
— Santos Cerdán León (@santicl) April 29, 2024
Vamos a hacer frente a los desafíos que están por venir con más fuerza que nunca.
Pola súa banda, o portavoz do PSOE no Congreso, Patxi López, celebrou esta "gran noticia" e resaltou que con ela Sánchez "segue demostrando que a mentira non pode coa verdade, o insulto non gaña ao argumento, o odio dalgúns discursos non se impón á convivencia e os que cren que o poder é seu non deciden por enriba da vontade cidadá".
Qué gran noticia. Pedro sigue demostrando que:
— patxilopez (@patxilopez) April 29, 2024
La mentira no puede con la verdad.
El insulto no gana al argumento.
El odio de algunos discursos no se impone a la convivencia.
Los que creen que el poder es suyo no deciden por encima de la voluntad ciudadana.
Hoy gana la… pic.twitter.com/W7mDY2gc0W