O PSOE votará en contra da reforma fiscal proposta por Podemos no Congreso

Os socios de Goberno van escenificar este martes, no Congreso, as súas discrepancias arredor da reforma fiscal. Esta tarde votarase na cámara unha proposición non de lei rexistrada polos morados e o PSOE xa anunciou que vai votar en contra.

Podemos intenta meterlle presión ao Goberno para acelerar esta reforma, mentres que os socialistas, coa ministra de Facenda á cabeza, piden agardar polo informe que presentará o grupo de expertos a finais deste mes. Dende UP entenden "unha reforma fiscal non é un asunto técnico (...), é unha decisión política", segundo explicou o seu voceiro, Pablo Echenique.