O regreso goleador de Manu Barreiro non abonda para o Compostela (1-2)
O regreso goleador de Manu Barreiro non abonda para o Compostela (1-2)
Despois de tres vitorias seguidas volveu a peor versión do cadro santiagués diante do Escobedo
Chegaba coa moral alta o Compostela despois dun inicio de campionato decepcionante. As tres vitorias seguidas como visitante -dúas na Copa Federación e unha no campionato ligueiro- parecía que reconducían a situación pero diante do Escobedo volveron ás andadas.
Non abondou nin co regreso goleador de Manu Barreiro, recuperado da lesión e que xogou os últimos vinte minutos. O equipo cántabro decantara o partido no primeiro tempo cos goles de Edu Fontán á saída dun córner e de Saza.
Na segunda parte o Compostela tirou de corazón pero non tivo as ideas claras. Atopouse cun rival moi ben colocado e apenas gozou de ocasións. Só Barreiro, e no tempo engadido, atinou cun gran remate de cabeza.
