Galicia suma un novo restaurante con Estrela Michelín e Retiro da Costiña, de Manuel García, consegue a segunda

Cargando resultados...

Galicia suma un novo restaurante con Estrela Michelín e Retiro da Costiña, de Manuel García, consegue a segunda

Publicador de contidos

O restaurante Simpar de Santiago, logra a súa primeira estrela

Manuel Costiña, chef do Retiro da Costiña

G24.gal 26/11/2024 21:15

Dúas estrelas Michelín recoñecen o labor que ven realizando en Santa Comba o restaurante Retiro da Costiña. Foi distinguido na gala celebrada este martes en Murcia, pouco tempo despois de recibir tamén o premio a mellor sobremesa de España.

Distinguido xa cunha estrela Michelín desde 2008, Manuel Costiña únese a Javi Olleros e Pepe Vieira no selecto grupo de chefs galegos con dúas estrelas. Unha distinción que chega cando este establecemento de Santa Comba cumpre xa 85 anos.

O restaurante Simpar de Santiago de Compostela conseguiu a súa primeira Estrela Michelin, nunha gala celebrada na tarde deste martes en Murcia.

O Simpar, situado no número 47 da rúa do Vilar da capital galega, é o único establecemento de Galicia que se incorporou na nova Guía Michelín 2025. Recentemente logrou ademais ser distinguido como o restaurante que elabora os mellores callos de España.

Tal como destaca Michelín, os seus cociñeiros, Áxel Smyth e Claudia Merchán, defenden unha cociña "técnica e creativa", de raíces galegas, en constante evolución. "Os seus provedores teñen nomes e apelidos!", subliña.

Áxel Smyth, do restaurante Simpar

Repiten na lista con dúas Estrelas Michelin Culler de Pau, do Grove, e Pepe Vieira, en Raxó, uníndose agora Retiro da Costiña.

Ademais de Simpar, unha Estrela Michelin teñen en Galicia os restaurantes Maruja Limón, de Vigo; Silabario, de Vigo; Eirado, de Pontevedra; Yayo Daporta, de Cambados; Solla, de Poio; Árbore da Veira, da Coruña; As Garzas, de Malpica; A Tafona, de Santiago de Compostela; Casa Marcelo, de Santiago de Compostela; O Pazo, de Padrón; Terra, de Fisterra, e Nova e Ceibe, de Ourense.

Pola súa banda, o restaurante O Secadeiro, situado na Serra de Outes (A Coruña), conseguiu unha Estrela Verde, distinción que destaca as prácticas sostibles.

"Atesouramos un horto propio, cun pequeno invernadoiro, e calculamos que o 80% dos produtos cos que traballamos veñen da nosa contorna. Poñemos o foco especialmente no mundo vexetal e recuperamos legumes autóctonos, como o Lentellón de Banzas", destacaron os seus chef Eva Guzmán e Fernando Rodríguez.

Listado completo

Este é a listaxe completa das novidades de España na guía Michelin 2025:

-3 ESTRELAS:

Casa Marcial (Arriondas, Asturias)

-2 ESTRELAS:

A Levante (Chiclana da Fronteira, Cádiz)

Lú Cocina e Alma (Xerez);

Retiro da Costiña (Santa Comba)

-1 ESTRELA:

Ama (Tolosa, Guipuzkoa)

Ibai (San Sebastián, Guipuzkoa)

Ricardo Temiño (Burgos)