O sorteo da Primitiva deixa un premio de máis de 400.000 euros en Cangas

Acertou os seis números da Primitiva do sábado, e tocoulle un premio de 427.804 euros. Selou a aposta na administración de loterías número 3 de Cangas, na rúa Castelao, e poucas pistas máis hai para tentar dar co agraciado ou agraciada. 

"Foi un cliente que fixo unha Primitiva de tres apostas, de boleto, e acertou todos os números agás o reintegro" di Anastasia Martínez, traballadora da administración. E selouna -di- o mesmo día do sorteo, o sábado 15 de marzo. 

Os números gañadores foron 40, 06, 22, 28, 44 e 49. Xunto ao de Cangas, houbo outros dous acertantes de primeira categoría.