O título de familia numerosa amplia a vixencia ata os 21 anos do primeiro fillo

A conselleira de Política Social, Fabiola García, presenta as novidades no título e no carné de familia numerosa. Entre as novidades destacou que será en formato dixital e que se amplía a vixencia.

"As familias que teñan que renovar o título, recibirano en formato dixital e sen vixencia, ata os 21 anos do primeiro fillo, non teñen que renovalo cada catro anos e sobre todo poderán telo en formato dixital todos os membros da familia", explica a conselleira de Política Social, Fabiola García.