O viaduto da AP-9 en Portas estará en obras ata vésperas do Nadal
O viaduto da AP-9 en Portas estará en obras ata vésperas do Nadal
Durante o transcurso das obras permanecerá pechado un carril na zona do viaduto
En horario nocturno, que será cando se fagan os traballos, circularase por unha soa calzada da autoestrada para os dous sentidos
As obras de mellora do viaduto da autoestrada AP-9 en Portas provocarán restricións de tráfico polo menos ata mediados de decembro, segundo informou o Ministerio de Transportes e Mobilidade Sostible.
Os traballos, que comezarán ás nove da noite do próximo luns 16 de setembro, realizaranse en horario nocturno e centraranse na substitución dos aparellos de apoio e a supresión das xuntas intermedias en ambos os taboleiros do viaduto.
Durante o transcurso das obras permanecerá pechado un carril na zona do viaduto onde se estean desenvolvendo os labores de traballo e en horario nocturno establecerase un desvío provisional por mediana para manter a circulación.
Así, entre o 16 de setembro ao 31 de outubro, en sentido Santiago de Compostela, cortarase un permanentemente un carril e outro entre as 21:00 horas e as 7:00 horas, e habilitarase un desvío á calzada contraria a través dos pasos de mediana situados nos quilómetros 113 e 111,900.
Desde o 4 de novembro ao 20 de decembro inverteranse os traballos e cortarase os dous carrís en sentido Pontevedra, un deles en idéntico horario nocturno, e habilitarase tamén un desvío á calzada contraria a través deses mesmos pasos de mediana.
Transportes detalla que durante a noite, mentres se executan os traballos, haberá dispoñible unha soa calzada da autoestrada para os dous sentidos de circulación e durante o día restablecerase o tráfico na calzada de traballo a un único carril.
