O Victoria xogará a Copa contra un equipo de Primeira
O Victoria coruñés superou o Hernani vasco e xogará a primeira eliminatoria da Copa contra un equipo de Primeira División, a partido único e no seu campo.
O gol de Iago ao comezo da segunda metade foi definitivo para que un equipo modesto do fútbol coruñés, de tradicional traballo coa canteira e co fútbol feminino, escriba a páxina máis brillante da súa dilatada historia.
Cun cheo absoluto na Grela, o partido resultou moi emocionante. Na primeira parte houbo poucas ocasións pero o temperán gol de Iago desatou as hostilidades na segunda metade. O Victoria mereceu pechar a eliminatoria á contra, pero o Hernani aguantou e a cinco minutos do final tivo un penalti para empatar. Un paradón do porteiro Jano posibilitou a milagre do conxunto coruñés.
O sorteo será esta tarde, ás 16:30 nas Rozas. O Victoria terá o premio de enfrontarse a un equipo de Primeira División no estadio de Riazor. Xogar contra o Celta non estaría nada mal.
