O vigués Martín de la Puente métese nas semifinais do torneo adaptado de Wimbledon

O tenista en cadeira de rodas vigués Martín de la Puente continúa firme no seu propósito de xogar unha final dun torneo do Grand Slam. Quedou ás portas en Roland Garros e agora busca o éxito en Wimbledon. 

Derrotou en dous sets ao neerlandés Spaargaren (6-3, 6-2) nos cuartos de final e xogará a semifinal ante Hewett, referente local e gañador de sete Grand Slams. Ademais Hewett ten especial ilusión neste torneo de Wimbledon porque se impuxo tres veces en París, tres no US Open e este ano gañou o Australian Open pero nunca gañou na súa casa. 

Fronte a Hewett estará un De La Puente que vive o seu mellor ano como profesional do tenis. Xa é o número cinco do mundo e agarda seguir avanzando.