O viñetista e pintor Luís Dávila, premio Trasalba 2023

O debuxante Luís Dávila recolleu este domingo o Premio Trasalba 2023. A Fundación Otero Pedrayo quere recoñecer así o labor deste viñetista e deseñador gráfico pola súa implicación coa defensa da nosa lingua e a nosa cultura a través do humor e dunhas mensaxes moi próximas á sociedade galega, un referente, din, na reivindicación sociolingüística.

O acto de entrega do galardón celebrouse este mediodía no pazo de Trasalba, en Amoeiro. O premio é unha escultura de Otero Pedrayo, obra do escultor ourensán Manuel Buciños.