O xogador do Xetafe Jakub Jankto anuncia a súa homosexualidade

O xogador das selección checa de fútbol Jakub Jankto, de 27 anos, declarou hoxe a súa homosexualidade en redes sociais, e convértese nun dos primeiros futbolistas en facelo publicamente:

"Son homosexual, e non quero esconderme máis tempo", dixo na súa conta de Twitter o futbolista cedido polo Xetafe no Sparta de Praga.

"Como todo o mundo, teño as miñas fortalezas e as miñas debilidades", indica o xogador nun vídeo de 44 segundos en que pretende "dar ánimo a outras persoas".

Así mesmo, reivindica o seu desexo de vivir a súa "vida en liberdade, sen temores, sen prexuízos, sen violencia, pero con amor".

Antes, lembrou brevemente a súa traxectoria vital e profesional:

"Teño familia, teño amigos, teño un traballo, que trato de facer o mellor que podo durante anos, con seriedade, profesionalidade e paixón".

Jankto non está a ter unha boa tempada no Sparta e a súa vida privada está axitada tras separarse da súa muller.

O recoñecemento da súa homosexualidade únese a unha longa lista de deportistas de relevancia que nos últimos anos o divulgaron publicamente. Na súa práctica, o fútbol, recentemente fíxoo o dianteiro Jake Daniels, quen pertence ao Blackpool da categoría de prata de Inglaterra.