Oportunidade perdida do Deportivo Abanca para selar a permanencia (0-1)

O Deportivo Abanca perdeu diante do Éibar unha grande oportunidade para deixar a permanencia case selada. Xogaba diante dun Éibar co que estaba empatado con 21 puntos na clasificación. De gañar subiría ata o noveno posto, pero as contas da leiteira nunca son boas. Non tivo o seu mellor día e acabou perdendo por 0-1 cun gol de Pizarro no minuto 73. Ese resultado déixaas no 12º posto, con catro puntos de marxe sobre os postos de descenso.