Os equipos galegos xa coñecen os seus rivais na Liga ACB

A falta de dous meses para o inicio da Liga Endesa, os representantes galegos na competición xa coñecen o seu calendario. 

Na primeira xornada, o Breogán viaxará ata o País Vasco. Alí abrirá o curso, ao enfrontarse ao Bilbao Basket. O inicio do Básquet Coruña será tan complexo como emocionante. O seu debut na elite do baloncesto español terá lugar no Coliseum, onde recibirá o Real Madrid. 

Os coruñeses tamén rematarán a fase regular na cidade herculina, despedindo a tempada ante o Baskonia. Pola súa parte, o Breogán enfrontarase ao Valencia Basket na Fonteta de Sant Lluís.

A Coruña e Lugo tamén acollerán cadanseu 'derbi'. O primeiro deles terá lugar no Pazo, na xornada 16. Pouco tempo pasará para que os dous equipos galegos se enfronten de novo. Será na xornada 23, no Coliseum.