A misión Blue Ghost xa viaxa cara á Lúa para preparar o regreso humano

A NASA e as empresas Firefly Aerospace e SpaceX lanzaron este mércores desde Florida a misión Blue Ghost 1, que está previsto que chegue en 45 días á Lúa para explorala a través de dez instrumentos como parte do programa Artemis para establecer unha presenza humana permanente no satélite a finais da década.

There it goes: our post-holiday delivery aboard Blue Ghost begins its journey to the Moon!

In addition to providing information about the Moon, the data these instruments will capture could help us on Earth by providing insights into how space weather impacts our planet. pic.twitter.com/YlN8WdlpVd

— NASA (@NASA) January 15, 2025

Os módulos de aterraxe de Firefly Aerospace, unha empresa aeroespacial de Texas, e o xaponés de Resiliencie, ambos os dous a bordo dun foguete Falcon 9 de SpaceX, engalaron sen problemas ás 01:11 hora local (06:11 GMT), como estaba programado, desde o Centro Espacial Kennedy.

Today’s mission is our third launch to a lunar surface and just the first of several our Falcon fleet will launch for @NASA’s Commercial Lunar Payload Services (CLPS) program this year. These missions help humanity explore the Moon, Mars, and beyond, bringing us one step closer… pic.twitter.com/Go2yUccFb3

— SpaceX (@SpaceX) January 15, 2025

A misión, que terá unha duración aproximada de 60 días, incluído o tránsito cara á Lúa e as operacións na superficie lunar, forma parte do programa Servizos Comerciais de Carga Lunar (CLPS, en inglés) da NASA.

Esta iniciativa busca asociarse con empresas privadas para facilitar o envío de ferramentas científicas e tecnolóxicas en apoio ao programa Artemis.

As cargas útiles desta misión inclúen instrumentos deseñados para estudar as propiedades do manto lunar, os fragmentos de materiais depositados sobre a rocha sólida, as características xeofísicas e a interacción entre o vento solar e a magnetosfera terrestre.

Segundo a NASA, os datos recompilados proporcionarán información esencial para futuras misións tripuladas e non tripuladas, mellorarán a comprensión da contorna lunar e facilitarán o desenvolvemento de tecnoloxías para a exploración espacial.

As investigacións científicas neste voo teñen como obxectivo probar e demostrar a tecnoloxía de perforación do subsolo lunar, as capacidades de recolección de mostras de solo, as posibilidades do sistema global de navegación por satélite, a computación tolerante á radiación e os métodos de mitigación do po lunar.

Os datos capturados poderían beneficiar os humanos na Terra ao proporcionar información sobre como o clima espacial e outras forzas cósmicas afectan ao planeta.

Os instrumentos

Entre os instrumentos están o Regolith Adherence Characterization (RAC), que avaliará como o po lunar se adhire a diferentes materiais, información crucial para o deseño de futuros equipos e traxes espaciais.

Tamén irá a bordo o Lunar Environment Heliospheric X-ray Imager (LEXI), que capturará imaxes da interacción entre a magnetosfera terrestre e o vento solar, proporcionando datos valiosos sobre o clima espacial, e o Lunar Magnetotelluric Sounder (LMS), que caracterizará a estrutura e composición do manto lunar mediante o estudo de campos eléctricos e magnéticos, axudando a comprender a evolución térmica da Lúa.

Outros instrumentos son o Lunar Instrumentation for Subsurface Thermal Exploration with Rapidity (LISTER), encargado de medir o fluxo de calor desde o interior da Lúa e proporcionar información sobre a súa estrutura térmica.

Ademais, o Lunar GNSS Receiver Experiment (LuGRE) demostrará a capacidade de utilizar sinais de sistemas de navegación por satélite, como GPS e Galileo, na lúa, o cal podería mellorar a navegación lunar en futuras misións. 

O módulo xaponés

Xunto á citada misión Blue Ghost 1, a bordo do Falcon 9 lanzado este mércores ía tamén o módulo de aterraxe lunar Resilience, da compañía xaponesa Ispace, unha das firmas emerxentes que quere dar un novo impulso á industria aeroespacial do país asiático.

Trátase da segunda misión lunar do programa Hakuto-R coa que a compañía nipoa busca realizar unha aluaxe suave e despregar o vehículo Tenacious para a exploración da superficie e a recollida de datos na lúa.

En abril de 2023, a primeira misión lunar de Ispace, cuxo obxectivo era tamén realizar unha aterraxe suave na lúa, non puido ser completada.

Resilience inclúe outras cargas útiles científicas e culturais como un dispositivo de electrolise de auga lunar, un módulo para a produción de alimentos na lúa e unha sonda de radiación no espazo profundo.

Ademais leva un disco de memoria da UNESCO que preserva a diversidade lingüística e cultural da humanidade, unha placa de aliaxe conmemorativa desenvolvida polo editor de videoxogos e fabricante de xoguetes Bandai Namco e unha "casa lunar", un modelo de casa do artista sueco Mikael Genberg.