Encher o depósito con combustible sintético custará uns 210 euros

Os combustibles sintéticos obtéñense ao captar C02 da atmosfera. Fabricalo en grandes cantidades tería un custo moi elevado, só ao alcance duns poucos. 

En caso de que Europa permita a venda de vehículos propulsados con este tipo de combustibles, encher o depósito podería superar os 200 euros. 

Con todo, Alemaña aposta por estes carburantes como a mellor alternativa para poñer fin ao diésel e a gasolina a partir de 2035. Esta opción evitaría ter que cambiar de vehículo. 

Trátase de combustibles neutros que reducen a contaminación. 

A outra opción, e a única ata agora para cumprir cos obxectivos de Bruxelas no seu plan de descarbonización para 2035, é o vehículo eléctrico, que aínda xera moitas dúbidas. 

A iniciativa causa división en Europa e preocupa ás fábricas automobilísticas, xa inmersas desde hai tempo na fabricación do coche eléctrico.