Reclaman programas urxentes para xestionar a árnica galega
Reclaman programas urxentes para xestionar a árnica galega
A sobreexplotación e os cambios no uso do territorio ameazan a supervivencia da especie
Hai anos que se estuda en Lugo, no Campus Terra da USC, a árnica galega, unha planta cuxa viabilidade como cultivo está confirmada e que ten moita tradición de colleita pero non de protección.
A árnica ten propiedades antiinflamatorias e medra espontaneamente. A variedade galega ten maior interese farmacéutico.
En Europa está protexida pero en España non. De feito, a sobreexplotación e os cambios no uso do territorio, ao destinalo a forraxe para as granxas, fan que mingüe a súa presenza.
O Campus Terra ten un convenio coa Deputación para secuenciar o xenoma das dúas variedades de árnica que hai en Galicia, para saber que xenes están involucrados nas súas diferenzas bioquímicas. Ademais, reclaman programas urxentes para unha xestión adecuada da especie.
