Os galegos da 1ªRFEF afrontan a xornada do domingo con diferentes dinámicas
Os galegos da 1ªRFEF afrontan a xornada do domingo con diferentes dinámicas
O filial celeste busca seguir liderando a competición
Aos coruñeses úrxelles a vitoria con Idiakez na corda frouxa, mentres que o Arenteiro pode sumarse á loita polo playoff
A xornada para os nosos na Primeira Federación complétase na tarde deste domingo. Ás catro Claudio Giráldez e os seus buscan máis apertas, máis loanzas. Visitan o complicado Fuenlabrada como líderes...
A seguir, ás sete, haberá derbi. No Carballiño. Arenteiro-Deportivo. Co rochoso Arenteiro noveno, poderoso na casa. Seis partidos, cinco vitorias.
E co Deportivo un posto por detrás e pendente de si estamos a ver as últimas fotos de Idiakez como o seu adestrador.
As urxencias do Deportivo pasan a proba do Espiñedo, a proba do polbo mecánico. E nós verémolo en directo a través da nosa segunda canle.
