Os galegos preparan a xornada ACB coas estreas de Heurtel e Kurucs
Os galegos preparan a xornada ACB coas estreas de Heurtel e Kurucs
O Leyma Coruña recibe o UCAM Murcia á busca da quinta vitoria (18 h)
O Breogán visita mañá ao Baskonia (17 h)
Unha tarde especial no Coliuseum. Non sempre un xogador co historial de Thomas Heurtel se estrea cun recentemente ascedido. Farao diante do UCAM Murcia e diante dun Sito Alonso que dirixira ao xogador francés no Bacelona aló por 2017.
O caudal ofensivo do Leyma terá diante a habitual despregadura física do UCAM Murcia. Choque de estilos para tentar pechar a primeira volta co quinto triunfo.
O Río Breogán visitará mañá a pista do Baskonia coa dúbida de que rival terá diante. Se o que perdeu por 30 na última xornada contra o Xirona ou se o que onte foi capaz de derrotar en Euroliga, e con solvencia, ao actual campión, o Panathinaikos. Sexa como sexa, o partido esixirá unha óptima versión dos galegos.
No Breogán estrearase a súa última fichaxe, o letón Arturs Kurucs. Será fronte ao club no que se formou e xogou 5 temporadas.
