Os incendios continúan afectando a calidade do aire en boa parte de Galicia
Os incendios continúan afectando a calidade do aire en boa parte de Galicia
En Sarria mellorou a situación respecto a onte, porque xa non se aprecia o cheiro a fume
Continúa recomendándose precaución para as persoas con problemas cardiovasculares
A chuvia, aínda que escasa, xunto coa néboa que con frecuencia afecta a esta zona fan que a percepción sobre a calidade do aire en Sarria sexa máis favorable que en xornadas previas.
Polo menos o cheiro a lume dos incendios xa non é tan intenso no sur da provincia de Lugo. Con todo, é recomendable evitar actividades deportivas no exterior e prestar especial atención ás persoas con problemas cardiovasculares ou pulmonares.
A presenza de partículas de po en suspensión pode provocar irritación en ollos, nariz e garganta. Conforme pase o tempo agárdase que a calidade do aire mellore. Arestora continúa sendo malo no 38 % do territorio e favorable ou boa no 53 %.
