Os incendios dos Ánxeles deixan polo menos 11 persoas mortas e 13 desaparecidas

A vaga de lumes que arrasa o condado dos Ánxeles, nos Estados Unidos, deixaba a última hora deste sábado polo menos once persoas mortas e trece desaparecidas. Os fortes ventos complicaban a situación e forzaban novos desaloxos, mesmo en espazos universitarios.

​​​​​​​O gobernador de California, Gavin Newsom, anunciou que duplicou o numero de efectivos da Garda Nacional do estado para intervir na área de Los Ángeles e combater os incendios declarados.

Newsom sinalou que o persoal da Garda Nacional de California activado aumentou a 1.680 membros, que desta forma súmanse aos miles de efectivos das forzas de seguridade desprazados ás áreas dos sinistros.

O Goberno de California mobilizou a máis de 12.000 persoas, entre bombeiros, policías e membros de axencias da orde, para sumarse ao combate contra os incendios activos que se desataron desde o martes, así como a tarefas de seguridade e vixilancia.

O despregamento inclúe máis de 1.600 aparellos de extinción de incendios, entre os que se inclúen un centenar de camións cisterna e uns 60 avións, #de acordo con a nota.

As autoridades tamén detiveron 22 persoas, 19 delas na área afectada polo incendio de Eaton, e as outras tres estaban na zona do lume de Palisades.

A maioría das detencións están relacionadas con roubos e saqueos, violación de morada, posesión de narcóticos e roubo de identidade.

Decretouse o toque de queda ata as 6:00 da mañá e trasladouse o partido de playoff da NFL entre Os Ánxeles Rams e Minnesota Viking, previsto para o luns, a Phoenix, Arizona.

Causa sen determinar

A causa dos incendios, que queimaron máis de 14.000 hectáreas e obrigaron a evacuar máis de 153.000 persoas, segue a ser unha incógnita pero non se desbota ningunha hipótese.

Ata o momento, os bombeiros conseguiron conter ao completo o incendio de Lida, mentres que o de Kenneth está contido nun 80 %, o de Hurst nun 76 %, o de Eaton nun 15 % e o de Palisades nun 11 %.