Os nenos de Allariz tamén corren na festa do boi

En Allariz xa están metidos de cheo na súa festa máis popular: a do boi.

Comezou a fin de semana pasada, e estes días, entre semana, son os propios veciños da vila os que máis participan.

Durante toda a semana hai carreiras a diario, cos bois sempre amarrados polos homes do sedeño, para evitar accidentes, aínda que non é raro que haxa algún susto.

Para correr o boi convén adestrarse antes, e aquí fano desde pequenos, coas carreiras infantís. Os animais son de mentira, pero a sensación para os cativos é moi real.