Os traballadores de Navantia piden na rúa a negociación dun novo convenio

Os traballadores de Navantia volveron saír este xoves á rúa para forzar a negociación dun novo convenio. 

Levan máis dun ano negociando e din que nese tempo pouco é o que conseguiron avanzar.

Acusan a empresa de poñer sobre a mesa cuestións menores, pero non as que din que son realmente importantes para eles, como pode ser a clasificación profesional ou as retribucións salariais.

O voceiro do comité de empresa, Miguel Pol protestan pola falta dun convenio pero tamén pola falta de concreción do futuro plan industrial, no que se inclúe un plan de emprego do que din aínda non se coñecen investimentos nin tampouco carga de traballo.

Por iso, o portavoz sindical di que os sindicatos van continuar co calendario de protestas en marcha, que contempla "dous días máis de mobilizacións internas á volta de Semana Santa e asembleas" para confirmar "como actuar con esta dirección".

En todo caso, avanzou que se promoverá un "calendario máis duro" e que seguirán "cortadas" as prolongacións da xornada laboral, ademais de apuntar que o plan industrial debe incluír un novo dique para o estaleiro, un proxecto "incumprido polo Goberno".

Así mesmo, solicitou "máis persoal" ante a previsión dunha "chea de traballo" que, segundo dixo, prevé Navantia, para manifestar que non "sabemos con que cadro de persoal" se vai acometer porque non "somos suficientes".

Miguel Pol recalcou que tamén se debe auspiciar "un plan de formación para industria auxiliar e compañeiros que están fóra de murallas" e opinou que é necesaria "implicación para que a comarca levántese ou vai haber serios problemas para sacar a carga de traballo, se é que realmente vai haber a que din que vai vir".