Os trens viaxan completos na operación retorno do Nadal

"Mañá volvo traballar, acabouse".

"Contenta de pasar estes días coa familia e contenta de volver á rutina", comentan os pasaxeiros.

Con máis ou menos ganas, toca volver á casa e, coma case sempre nestas datas, con algo máis de equipaxe.

"A maleta vai ata arriba con todos os regalos dos Reis, a roupa e todo", di unha nena.

Entre os que collen o tren en Santiago, moitos universitarios que regresan ás aulas.

"Imos empezar os exames de recuperación e moito estudo, pero con ganas".

"Faise duro, pero toca volver á rutina", contan.

Todos os trens a Madrid viaxan cheos, a pesar de que Renfe programou un de reforzo na tarde do domingo dende a capital galega.

"É difícil atopar billete así a última hora".

"As promesas están ben, cantos máis trens e máis posibilidades vai ser mellor para todos, pero xa queremos ver realidades".

"Si, son catro horas máis menos e penso que mellorou moito o transporte por tren, a verdade é que si", din os usuarios.