Os veciños de Tordoia solidarízanse cos afectados polo incendio dunha casa

Os veciños de Tordoia mostraron a súa solidarierade cos afectados polo incendio dunha casa nesta localidade da Coruña. Hai uns días coñecíase o incendio dunha casa en Tibiáns en que unha parella con dous fillos menores o perderan todo en cuestión de minutos.

"Axudamos co que podemos porque pasa unha cousa así...", "está todo o concello entregado con elas", sinalan os veciños e veciñas da localidade. O certo é que unha onda de solidariedade se espallou en moi pouco tempo por todo o concello.

A parella di estar atafegada e moi agradecida por tanto apoio e xa ven máis luz para que pronto poidan volver ao seu fogar, no cal xa están a traballar sen acougo.

O Concello de Tordoia, amais de facilitarlles unha vivenda, tamén está a colaborar na restauración da casa e pon a disposición de todo aquel que queira axudar varias vías de colaboración, que se poden consultar nas súas redes sociais. Agardan que a axuda siga chegando para adozar un chisco o Nadal desta familia.