O mosteiro de Oseira estrea albergue de peregrinos con 42 prazas

O mosteiro de Oseira, no concello ourensán de San Cristovo de Cea, conta dende hoxe cun segundo albergue de peregrinos. Está situado no predio do propio mosteiro e ten capacidade para 42 persoas, que se suman ás 32 que tiña o anterior albergue e que estaban a ser insuficientes polo incremento de reservas.

O novo edificio, construído nun antigo galiñeiro, custou 800.000 euros. O presidente da Xunta, Alberto Núñez Feijóo, visitou este luns as instalacións  e dixo que ao remate deste Ano Santo haberá 78 albergues de peregrinos na rede pública, dos que 16 están na Vía da Prata, como este de Oseira.