Oviedo trae a avioneta de 'Memorias de África' en homenaxe a Meryl Streep

Segundo se vai achegando a cerimonia dos Premios Princesa de Asturias, os actos vanse multiplicando. En Oviedo, unha avioneta amarela de película, unha furgoneta de película e un zapato vermello de película homenaxean a Meryl Streep, que recibirá o Princesa de Asturias das Artes.  

Na antiga Fábrica de Armas están expostas a avioneta daquela memorable secuencia de Memorias de África e a furgoneta daquela conmovedora escena final de As pontes de Madison. E é que non se trata de preguntarse con que película de Meryl Streep choramos. É preguntarse en cantas películas de Meryl Streep choramos.