Pablo Graña triunfa nos Xogos Europeos e apunta a París 2024

Co paso dos días, Pablo Graña é consciente do éxito que supón volver con dúas das sete medallas conseguidas polo piragüismo español nos Xogos Europeos.

Un C-2 formando parella con Antía Jácome, que gañou a final cunha suficiencia brutal sacándolles case un barco de distancia aos subcampións, o dúo polaco. Unha superioridade impresionante tendo en conta que apenas adestraran xuntos.

Logo destes bos resultados toca volver centrarse no gran obxectivo, loitar pola clasificación para os Xogos. Rivalidade e disputa dentro do equipo nacional para conseguir o billete soñado a París.