Paciência e Sergio Carreira saen do cadro vigués cedidos por unha temporada

O Celta conseguiu liberar dúas fichas de xogadores cos que non contaba Rafa Benítez. Gonçalo Paciência volve á Bundesliga e xogará como cedido no Bochum. Lembremos que chegara ao cadro vigués procedente do Eintracht. 

Na temporada que xogou no Celta marcou dous goles en 25 partidos, só cinco como titular. O inicio foi bo pero acabou caendo no seu rendemento. 

Sergio Carreira elixiu un dos equipos punteiros na Segunda División. O Elxe é un claro candidato a regresar á máxima categoría. O ano pasado estivo no filial do Vilarreal tamén como cedido e realizou unha boa campaña con 31 partidos xogados e dous goles.