A papanoelada moteira tingue de vermello o centro de Vigo

Uns días antes da Noiteboa, o centro da cidade de Vigo tínguese de vermello. Milleiros de persoas soben ás súas motos para celebrar e participar na papanoelada moteira".

Este evento masivo pode chegar a aglutinar unhas 10.000 persoas que fan unha ruta en moto pola cidade convertendo Vigo nunha festa familiar e, como non, solidaria.

Detrás do ruxir das súas motos, e dos milleiros de caramelos que reparten entre a xente que agarda por eles nas rúas, hai unha recollida de produtos a favor do banco de alimentos.