Paula Dapena, un ano de insultos e ameazas por negarse a homenaxear a Maradona
A futbolista do equipo Interrías segue recibindo acoso machista polas redes
Foi unha foto que se fixo viral, a da futbolista Paula Dapena, xogadora do Interrías sentada no chan e dando as costas para non homenaxear a Maradona. Pasou por Zona mixta da Radio Galega para contar como, un ano despois, segue o machismo.
Acoso en redes
A futbolista pontevedresa segue recibindo mensaxes ofensivas e mesmo viu como lle roubaban a súa conta de Twitter hai uns días
As ameazas non paran, así o explicaba na Galega:
“Hai unha hora chegoume outra”
“O peor foron as ameazas de morte e de violación, ás veces sentín medo”
De momento, contou: "estou recompilando todos os insultos e ameazas por se algún día vai a máis e teño que denuncialo na Policía", dixo.
Hai xusto un ano, pasaba polo mesmo programa para contar o que lle pasou ese día
Xa temos con nós a Paula Dapena, que se negou a homenaxear a Diego Armando Maradona e sentou no céspede en protesta porque considera que non merece recoñecemento.
— ZonaMixta RG (@RgZonamixta) November 30, 2020
No amigable entre o Interrías e o Depor feminino deulle as costas ás cámaras
Deixa o fútbol
Finalmente, un ano despois, por diversas causas, entre elas esta, abandona a práctica deportiva.
