Pepe Criado foi homenaxeado despois de 32 anos de servizo ao Racing

Unha das persoas máis importantes do Racing nas últimas décadas recibiu no partido diante do Zaragoza unha merecida homenaxe. Estivo nas boas épocas e tamén nas malas. Sempre traballando arreo para o club da súa vida, na primeira liña os últimos 32 anos. 

Foi o presidente do ascenso, o que colleu a remuda da familia Silveira e o que fixo unha transición tranquila. Pepe Criado vaise como lle gustaría, co seu equipo nun gran momento de forma e con máis de oito mil persoas animando o Racing.