Pisos turísticos comezan a volver ao alugueiro tradicional
A Xunta presentará nas próximas semanas unha renovada liña de axudas para promotores que constrúan vivenda para alugara prezos limitados
Expertos do sector coinciden en que moitos propietarios están a retirar vivendas do mercado de alugueiro por desconfianza e medo a cambios de normativa
A metade dos pisos que se alugan en Galicia custan entre 500 e 700 euros mensuais. E o 70 por cento deles dura menos dunha semana nos portais inmobiliarios. Segundo a presidenta de Agalin, vivimos en pleno "cásting inmobiliario".
Os expertos non cren que os prezos tocaran teito, pero non o ven lonxe. Regularanse sós, aseguran.
A iso contribuirá que moitas vivendas turísticas están a volver ao alugueiro tradicional. Os propietarios destes pisos levantan a voz e séntense "acosados" polo Goberno. Advirten que decisións coma deixar na man das comunidades de veciños que se poidan instalar pode mesmo chegar a desvalorizar as vivendas.
Pero o gran problema do mercado do alugueiro para os expertos chámase medo. Os propietarios non se senten seguros e a Xunta responsabiliza a lei estatal de vivenda.
Para a conselleira, María Martínez Allege "é unha norma claramente lesiva e contraproducente para o mercado, que ataca directamente ao dereito de propiedade e invade as competencias autonómicas, apostando por un modelo intervencionista do mercado xa se demostrou ineficaz noutros países".
A conselleira anuncia para as próximas semanas unha renovada liña de axudas a promotores que constrúan vivenda destinada a alugueiros regulados.
O sector, que está a participar no sexto Congreso Inmobiliario de Galicia, organizado por la Asociación Galega de Inmobiliarias en Santiago, avisa que este ano tamén se volverán reducir os contratos de alugueiro.
.png)
