Porriño e Guardés seguen a demostrar a fortaleza como locais
Porriño e Guardés seguen a demostrar a fortaleza como locais
As porriñesas gañáronlle a Oviedo por 28-26
O Mecalia Guardés tamén se impuxo a Granollers por 34-31
O Mecalia Guardés impúxose por 34-31 ao Granollers na sexta xornada da Liga Feminina de balonmán. Dous equipos moi parellos que xogaron un gran partido decidido nos últimos dez minutos.
Ata ese intre a igualdade foi máxima sen que ningún dos dous equipos conseguira vantaxes por riba dos dous goles. A ese treito final chegouse con empate a 27 pero o Guardés fixo un parcial de 4-0 (31-27) que encamiñou o triunfo. Cecilia Cacheda con 3 goles nesa parte (8 en total) resultou decisiva.
O Conservas Orbe Rubensa Porriño recibía o Oviedo e tamén acadou a vitoria por 28-26. O resultado non reflicte a superioridade porriñesa pero a relaxación dos últimos minutos provocou que as visitantes se achegasen no marcador.
Tivo varias posibilidades de rachar o partido o equipo galego no primeiro tempo pero non conseguiu irse por riba dos tres de diferenza (13-10). No segundo sí colleu unha marxe cómoda (19-13, 22-16) pero non acabou de pechar o partido. As ovetenses puxéronse a dous (26-24) a tres minutos do final pero aí quedou a reacción.
