Portugal aproveita a fraxilidade turca para coroarse primeira de grupo

A selección portuguesa non tivo maiores complicacións para vencer a Turquía e asegurar a súa clasificación como primeira clasificada no grupo F. 

A primeira parte tivo un ritmo igualado, con ida e volta e Turquía tamén pisando a área lusa, especialmente nunha grande acción de Aktürkoğlu pola banda esquerda. Non obstante, nunha das varias chegadas que tiña Portugal apareceu un rebote para Bernardo Silva que puxo o un a cero no minuto 21 da primeira metade. Pouco despois, un mal pase de Cancelo provocara o enfado de Cristiano pero para sorpresa de todos o central turco Akaydin cedeu un balón sen mirar ao seu porteiro que viña a polo balón e non foi quen de reaccionar a tempo. Curtocircuíto otomán e o partido marchou ao descanso cun claro dous a cero.

Na segunda metade ambas seleccións baixarían o ritmo e Portugal aproveitaría a unha Turquía botada arriba para poñer o terceiro e definitivo nun pase da morte de Cristiano a Bruno Fernandes que lle regalaba o gol. 

Portugal é primeira de grupo, xogará o último partido desta fase ante unha Xeorxia que, de igual maneira que República Checa e Turquía, ten opcións abertas para clasificarse. Para este encontro non poderá contar con Rafael Leao que por acumular dous cartóns amarelos nos dous primeiros partidos, ambas por simulación.