Prado e Fernández dominan a carreira de cualificación en Lombok

Esta fin de semana chega unha nova cita do Mundial de Motocross, que repite en Indonesia, no Gran Premio de Lombok.

E as perspectivas non poden ser mellores para os nosos pilotos, que fixeron primeiro e segundo na carreira de cualificación. Jorge Prado realizou unha proba perfecta, desde o inicio ata o final. Foi o primeiro por diante de Rubén Fernández, quen tivo que superar a Jeremy Seewer e defenderse diante de Romain Febvre.

Prado suma así dez puntos no Mundial e aumenta en dous máis a súa vantaxe sobre o seu inmediato perseguidor, o francés Febvre. Mañá toca madrugar para ver os nosos pilotos en acción. Ás sete e as dez da mañá correranse as dúas roldas, que poderán ver na G dúas e en g24.gal