Prata e ouro na Copa do Mundo para os K4 con representación galega

No piragüismo, primeiras medallas da selección española na Copa do Mundo que se está a disputar na República Checa.

A galega Teresa Portela, xunto a Carolina Garcia, Laia Pelachs e Sara Ouzande colgáronse a medalla de prata no K4 500. Un segundo posto que as clasifica, ademais, para o Mundial do Canadá.

En categoría masculina, Saúl Craviotto, Marcus Walz e os galegos Carlos Arévalo e Rodrigo Germade lograron o ouro por diante da campioa olímpica, Alemaña.