Preto de dous mil camioneiros seguen bloqueados nos accesos ao porto de Dover

A situación de colapso no porto de Dover ten bloqueados milleiros de camioneiros que saen do Reino Unido en dirección a Francia. Uns dous mil camións están paralizados desde a madrugada do venres, con ringleiras de 30 quilómetros e tempos de espera de ata 12 horas.

Unha das principais navieiras que cruzan o canal da Manga suspendeu a súa actividade despois de que o Goberno británico lle abrira unha investigación penal por un problema laboral.

Outros dous factores complican a situación: os problemas técnicos dos novos controis aduaneiros tras o brexit e o aumento do tráfico na Semana Santa.